港剧：TVB女艺人黄智雯内地剧古装扮相，被赞气质出众

TVB艺人黄智雯现正于内地为金牌监制戚其义新剧《隐娘》拍摄，联同出炉视帝谭俊彦（Shaun）、杨谨华合作，万众期待。平时艺人去到内地拍剧，都会有唔少粉丝冒住被发现嘅风险，山长水远去到拍摄地点偷拍偶像，估唔到少有喺内地现身嘅黄智雯，今次都被粉丝发现，仲将佢今次新剧唐朝服饰造型曝光！见佢妆容淡雅，造型朴素，望落更加系温婉大气，即时迷倒一众网友，睇嚟新剧出街之后，佢一定会攻陷内地市场。

对于首次正式演古装，还未等及剧集开播，已被网友大赞造型，绝对是意外收镬，智雯接受东网访问时笑说:“第一次试唐朝造型，我都好满意，因为个妆容要好淡，为咗要皮肤保持良好状态，我每日都要敷面膜(习唔习惯内地拍剧生活?)都ok，不过仲未碰到其他主演，其实今次系好难得机会，可以同中港台出色嘅演员合作，相信系一个好宝贵经验(粉丝见你喺演员名单排位后好唔抵!)我觉得戏份唔系重点，系点可以做好个角色，相信系我嘅粉丝会戥我高兴。

她更指日前“出关”后即去叹咖啡，由于内地疫情出现小爆发，所以只敢于酒店范围附近闲逛:“我有第一时间出去吸收新鲜空气，不过做足防措施，只系饮番杯好正嘅咖啡同食餐好嘅啫!”